Әлмәттә «Аналар мәктәбе» ачыла

Әлмәтнең перинаталь үзәгендә тиздән "Аналар мәктәбе" ачылачак

Әлмәттә булачак әниләр өчен «Аналар мәктәбе» ачыла. Дәресләр 2 февральдән перинаталь үзәктә башлана. 

Проектның максаты-хатын-кызларга бала тууга әзерләнергә, борчуларын җиңәргә һәм сабыйны карарга өйрәнергә ярдәм итү. Булачак әниләргә үзәк белгечләре: акушер-гинекологлар, анестезиолог-реаниматологлар, неонатологлар консультация бирә. Программа бала табуга һәм яңа туган баланы карауга әзерләнүгә исәпләнгән.

Беренче дәрес 11:00 сәгатьтә Әлмәт шәһәре, Грибоедов ур., 6 йорт, 209 нчы кабинет (хатын-кызлар консультациясе, 2нче кат) адресы буенча узачак. Консультацияләр өчен телефон: +7 (8553) 311-614.