Әлмәттә магистраль суүткәргечне реконструкцияләүнең беренче этабы төгәлләнде

Әлмәттә магистраль суүткәргечне реконструкцияләүнең беренче этабы төгәлләнде

Әлмәттә магистраль суүткәргечне масштаблы реконструкцияләүнең беренче этабы төгәлләнде. «Тормыш өчен инфраструктура» милли проекты кысаларында гамәлгә ашырыла торган проект шәһәр халкының шактый өлеше өчен су белән тәэмин итүнең ышанычлылыгын һәм сыйфатын арттыруга юнәлдерелгән.

Беренче чиратта, 4 нче су күтәргечтән алып Әлмәт төзелеш материаллары комбинаты камерасына кадәрге участокта 1,28 км яңа суүткәргеч торбалар салынды. Бу инде 1982 елда ук файдалануга тапшырылган һәм реконструкция башланганчы 80% тан артык тузган инфраструктураны шактый яңартырга мөмкинлек бирде.

Проект белән нәтиҗәле идарә итү һәм финанслау лимитының бер өлешен 2026 елдан 2025 елга күчерү нәтиҗәсендә (бу 71,8 млн сумнан артык тәшкил итте) төзүчеләр суүткәргечне реконструкцияләүнең икенче этабына керештеләр инде. Аның озынлыгы 1,17 км тәшкил итәчәк.

Модернизацияне дәвам итү Россия Федерациясе төзелеш министрлыгы һәм Татарстан Республикасы Хөкүмәте арасында республикага федераль бюджеттан өстәмә акча бүлеп бирү турында өстәмә килешү имзалану нәтиҗәсендә мөмкин булды. Проект чараларын гамәлгә ашыруга финанслауның гомуми суммасы 519,6 млн сум тәшкил итә.

Объектны модернизацияләү бик мөһим һәм Әлмәтнең 70 меңнән артык кешесенә коммуналь хезмәтләр күрсәтүнең сыйфатын яхшыртырга мөмкинлек бирәчәк, аларны өзлексез һәм сыйфатлы су белән тәэмин итәчәк.

Әлеге суүткәргечтән тыш, агымдагы елда Әлмәттә «Тормыш өчен инфраструктура» милли проекты программасына тагын өч мөһим объект кертелгән: Гатин-Больничная урамнарыннан алып, 2 нче канализация насос станциясенә кадәр үзйөрешле канализация коллекторы, Әминов урамындагы басымлы канализация коллекторы һәм суүткәргеч.

Татарстан Республикасы Рәисе Рөстәм Миңнеханов 2026 елга Дәүләт Советына юлламасында ассызыклаганча, торак-коммуналь инфраструктура объектларын модернизацияләү якындагы 5 елга иң җитди һәм капитал таләп итә торган бурычларның берсе булып тора.

«Безнең максат-челтәрләрне тотрыклы рәвештә алдан ремонтлауны тәэмин итү, аварияләрне һәм челтәр югалтуларын киметү», – дип белдерде Рөстәм Миңнеханов, бу өлкәдә регионның стратегик өстенлекләрен билгеләп.

Мондый проектларны гамәлгә ашыру халыкның тормыш сыйфатын яхшыртуга һәм Әлмәт шәһәр инфраструктурасының тотрыклы үсешен тәэмин итүгә таба төп адым булып тора.