Әлмәтнең Чупай авылындагы «алтын» һәм «сапфир» туй юбилярларын котладылар

💍 Әлмәтнең Чупай авылындагы "алтын" һәм "сапфир" туй юбилярларын котладылар

Әлмәт ЗАГС идарәсендә гаилә юбилейларына багышланган тантаналы чара узды. Чупай авылыннан өч пар "алтын"һәм "сапфир" туйларын бәйрәм иттеләр.

Быел Маннановлар Нәсих Надиман улы һәм Инзилә Нурулла кызы 50 еллык юбилейларын билгеләп үттеләр. Маннаповлар-Мансур Гаффанович һәм Хәмдия Камил кызы, шулай ук Закировлар — Мөнәвир Гатович һәм Әлфия Хөсәен кызы 45 ел бергә яшәүләрен бәйрәм иттеләр.

Тантанада юбилярлар үзләренең гаилә учагының җылысын иң якыннары — балалары һәм оныклары белән уртаклаштылар. Һәр гаилә — ныклы союз гына түгел, район үсешенә зур өлеш керткән зур хезмәт династиясе дә ул.

Өч гаилә дә Чупай авылының иҗтимагый тормышында актив катнаша.