Әлмәттә сайлау көнендә барлык тавыш бирүчеләр өчен җәмәгать транспортында йөрү бушлай булачак

Әлмәттә сайлау көнендә барлык тавыш бирүчеләр өчен җәмәгать транспортында йөрү бушлай булачак

Участокларда сайлаучыларга махсус беләзекләр биреләчәк, алар буенча җәмәгать транспортында бушлай йөрергә мөмкин булачак.

«Татарстанда җәй» проекты кысаларында шәһәр халкы һәм кунаклары өчен киң күләмле мәдәни-күңел ачу программасы әзерләнгән:

Иң яхшы иҗат коллективлары чыгышлары
Барлык яшьтәгеләр өчен мавыктыргыч күргәзмәләр һәм мастер-класслар
Күңелле спорт уеннары һәм ярышлары
Кулдан эшләнгән уникаль эшләнмәләрне тәкъдим итүче һөнәрчеләрнең ачык күргәзмәсе
Җирле продуктлар белән төрле авыл хуҗалыгы ярминкәләре һәм буфетлар
Көнне шәһәр паркында зур бәйрәм концерты тәмамлаячак.
Моннан тыш, тавыш бирүчеләр сайлау көнендә дә, киләсе атна дәвамында да гамәлдә булган махсус ташламалардан һәм бонуслардан файдалана алачак.

Шулай ук шәһәрнең сайлау участокларында «сәламәтлек нокталары» эшләячәк, анда һәр сайлаучы үз сәламәтлеген тикшерә, бушлай медицина консультацияләре ала һәм вакцинация уза алачак.