Әлмәттә «Иң яхшы хәрби йөртүче» бәйгесе узачак

20 август көнне Әлмәт автомәктәбе һәм ДОСААФ автодромында  "Иң яхшы хәрби йөртүче" бәйгесе узачак. 

Чара «Иң яхшы хәрби йөртүче-2025» республика конкурсының сайлап алу этабы һәм «Хезмәткә һәм оборонага әзер» республика спартакиадасының этабы булып тора. Конкурс хәрби-учет белгечлекләре буенча әзерлек сыйфатын күтәрү максатында үткәрелә. Конкурста хәрби-учет белгечлеге буенча укучы курсантлар катнаша.

Ярышлар түбәндәге юнәлешләр буенча уза:

Юл хәрәкәте кагыйдәләрен белү;

Автомобиль төзелешен белү;

Автоматны җыю/сүтү;

Турникта күтәрелү;

Автомобильне практик йөртү.