Әлмәттә йортсыз хайваннар проблемасын хәл итү буенча комплекслы эш дәвам итә

Әлмәттә йортсыз хайваннар проблемасын хәл итү буенча комплекслы эш дәвам итә

Әлмәттә йортсыз этләрне аулау мәсьәләләре белән ике подрядчы шөгыльләнә. Шәһәр администрациясе белән контракт буенча ИП Э.А. Кутуева эшли, ә грант нигезендә – ИП В. О. Парфенов. Мондый бүленеш киң территорияне колачларга һәм халык мөрәҗәгатьләренә оператив җавап бирергә мөмкинлек бирә.

2022 елдан шәһәрдә ветеринария медицинасы үзәге эшли, анда күзәтүчесез калган хайваннар санын тикшереп тору буенча чараларның тулы циклы гамәлгә ашырыла. Эт тотылганнан соң 10 көнлек карантин, вакцинация, стерилизация, шулай ук мәҗбүри чипизация уза. Хайван турындагы барлык мәгълүматлар «Хорриот» федераль системасына кертелә.

Россия законнары нигезендә, барлык процедураларны узганнан соң этләр гадәти яшәү урыннарына кайта.

Күзәтүчесез калган хайваннар турында үсеш департаментына 8(8553) 31-28-47 телефоны буенча хәбәр итәргә була.

Исегезгә төшерәбез, 2025 елның 1 гыйнварыннан Татарстан Республикасында этләрне мәҗбүри теркәү турындагы закон үз көченә керде. Хуҗаларны үз хайваннарына җаваплы карарга өндибез.