Әлмәт Татарстанның иң уңайлы шәһәрләренең берсе дип танылды

Әлмәт 254 балл җыеп, Татарстан республикасының зур шәһәрләре арасында беренче урынны алды, бу 2023 ел нәтиҗәсеннән 29 пунктка күбрәк. Республика башкаласы Казан да шундый ук баллар җыйды.

Россия төзелеш министрлыгы тарафыннан эшләнгән шәһәр мохите сыйфаты индексы шәһәрләрне төзекләндерү, куркынычсызлык, инфраструктураның һәркем файдалана алырлык булуы, экология, шәһәр мохитенең төрлелеге һәм заманчалыгын үз эченә алган 36 төп индикатор буенча бәяли. 2024 елда тикшеренүдә бөтен ил буйлап 1116 шәһәр катнашкан. Мондый югары нәтиҗәләргә федераль программаларда һәм милли проектларда катнашу, «Татнефть» компаниясенең ярдәм итүе һәм Әлмәтне үстерүдә халыкның актив катнашуы нәтиҗәсендә ирешелде, дип хәбәр итә Әлмәт районы башлыгы матбугат хезмәте.