Әлмәт районында йортсыз этләрне тотачаклар

Дүшәмбе көнне, 6 гыйнварда, Әлмәттә йортсыз этләрне кабат аулаячаклар. Бу хакта үзенең тг-каналында Әлмәт башкарма комитеты җитәкчесе Айнур Исхаков хәбәр итә. Эт хуҗаларына исегезгә төшерәбез, хайваннарны үзләрен генә чыгарырга ярамый.

Хуҗасыз хайваннар турында мәгълүматны 8(8553)31-28-47 телефоны буенча тапшырырга мөмкин. Заявкада хайванны үзегез күргән урынны, аның тасвирламасын һәм билгеләрен хәбәр итегез.

Фото: Әлмәт районы башлыгы матбугат хезмәте