Әлмәттә шәһәр сусаклагычында пляж зонасын төзекләндерделәр

Ике ай ярым вакыт эчендә шактый зур эш башкарылды: павильон торгызылды, коткаручылар өчен вышка куелды, киенү-чишенү бүлмәләре урнаштырылды, эчәргә яраклы фонтаннар, яктырткычлар куелды һәм ком китерелде.

Сусаклагычның ике өлешен тоташтыручы күперне реконструкцияләү эшләре төгәлләнә. Монда коймаларны алыштырганнар. Татарстан бюджетыннан пляж зонасын төзекләндерүгә 95 млн сум акча бүлеп бирелгән. Киләсе елда әлмәтлеләрне ял итү өчен яңа су киңлеге көтә. Объектны төзекләндерү «Торак һәм шәһәр мохите» милли проектының «Уңайлы шәһәр мохитен формалаштыру» федераль проекты ярдәмендә Татарстан рәисе Рөстәм Миңнеханов һәм нефтьчеләр ярдәмендә гамәлгә ашырыла.

Фото: Әлмәт районы башлыгы матбугат хезмәте