Әлмәт суды идарәче компания директорына 100 мең сум штраф салган

Әлмәттә җәмәгать суды идарәче компанияләрнең берсенең директорына штраф салган. Суд материалларны карап  инспекция файдасына карар кабул итте: күрсәтмәне үтәмәгән өчен директор хәзер 100 000 сум түләячәк. Торак инспекциясенә Ленин урамындагы 117 нче йортта яшәүчеләрдән бинаны начар карап тотуга 7 шикаять кергән, дип хәбәр итә ТР торак фонды матбугат хезмәте. Йортны тикшергәннән соң хокук бозулар факты расланды. Идарәче компаниянең вазифаи затына 25 мең сум күләмендә штраф язылды. Моннан тыш, компаниягә баскыч мәйданчыкларында агымдагы ремонт үткәрергә, идән плиткаларын, баскычларны торгызырга, тышкы ишекне буярга кушыла .

Билгеләнгән вакыттан соң йортта үзгәрешләр булмый. Законлы күрсәтмәне үтәмәгән өчен суд административ җәза билгели - 100 мең сум күләмендә штраф. Татарстан Республикасы арбитраж судына инспекция күрсәтмәсен үтәү бурычы турында дәгъва гаризасы җибәрелде. Суд утырышы 26 сентябрьгә билгеләнгән иде, аннары октябрьгә күчерелә. Идарәче компаниядә эшне карауны көтеп тормыйлар-инспекциянең күрсәтмәсен тулы күләмдә үтиләр.

Фото: ТР ДТИ матбугат хезмәте