Әлмәттә санкцияләнмәгән сәүдә объектларыннан арына башладылар

Әлмәт районы башлыгы матбугат хезмәте шәһәрдә законсыз сәүдә объектларын сүтүләре турында хәбәр итте. 

Еш кына бу сәүдә нокталары тиешле хәлдә булмый һәм тиешле рөхсәтләрдән башка муниципаль җирдә урнашкан була, бу исә законнарны бозу булып тора. Бу шәһәрнең тышкы кыяфәтен яхшыртырга гына түгел, ә стационар булмаган сәүдә өлкәсендә тәртип урнаштырырга да мөмкинлек бирәчәк. Бүген подряд оешмасы экология һәм төзекләндерү департаменты белән берлектә санкцияләнмәгән сәүдә объектларын сүтә башлады, хуҗалары алдан ук кисәтелгән.

Ирекле рәвештә бетерү вакыты тәмамланган һәм атна ахырына кадәр аларны демонтажлыйлар һәм саклау базасына җибәрәчәкләр. Әгәр объектларның хуҗалары 6 ай эчендә билгеле булмаса, мөлкәт муниципаль милеккә күчәчәк. Әгәр хуҗа үз мөлкәтен кире кайтарырга теләсә, аңа демонтажга  тотылган һәм башка чыгымнарны капларга туры киләчәк.

Фото: Әлмәт районы башлыгы матбугат хезмәте