Әлмәт волонтерлары хәрбиләрнең гаиләләренә ярдәм итә

Әлмәт "Үзебезнекеләрне ташламыйбыз" штабы волонтерлары хәзерге вакытта алгы сызыкта булган хәрби хезмәткәрнең гаиләләре өчен утын ярдылар.

"Волонтерлар бик тиз килде, без гаҗәпләндек. Мондый ярдәм аеруча хәрбиләрнең гаиләләре өчен бик мөһим", — дип уртаклашты хәрбинең тормыш иптәше Стелла Егорова.

Ул шулай ук гаиләләренең зур булуын — ике баласы һәм өлкән яшьтәге әти-әниләре булуын әйтте.

Әлмәт районында мобилизация башланганнан бирле "үзебезнекеләрне ташламыйбыз" штабы актив эшли, ул хәрбиләргә генә түгел, аларның туганнарына да ярдәм итә.