Әлмәттә контрактчыларны озаттылар

Әлмәттә чираттагы контрактчылар җибәрелде. Алар укыту гарнизонына киттеләр, анда аларны алдагы берничә айда көчәйтелгән әзерлек көтәчәк. Бу хакта Әлмәт районы башлыгының матбугат хезмәте хәбәр итә.

"Махсус хәрби зонадагыларга кушылырга, ярдәм итәргә телим", - дип уртаклашты волонтерларның берсе.

Әлмәттә контракт буенча хәрби хезмәткә сайлап алу пункты ачылды, ул кандидатка 3 сәгать эчендә теркәлү мөмкинлеге бирә.

Хезмәтне үтү өчен контракт төзегән кешеләргә 195 мең сум күләмендә бер тапкыр бирелә торган түләү каралган.

РФ Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында күбрәк  heroes-tatarstan.ru сайтында таныша аласыз.