Әлмәт районы башлыгы социаль челтәрләр аша халык белән аралашу буенча иң яхшы 10 район башлыгы исемлегенә керде

ТР Үзәк сайлау комиссиясе экспертлары республиканың халык өчен иң ачык район башлыкларын билгеләде. Бу хакта «Татар-информ» мәгълүмат агентлыгы хәбәр итә.

Социаль челтәрләрдә муниципалитет башлыкларының шәхси битләрен комплекслы тикшерү мәгълүматлары буенча, агымдагы елның беренче яртыеллыгында социаль челтәрләр аша халык белән аралашу буенча иң яхшы 10 район башлыгы исемлегенә Апас, Менделеевск, Яңа Чишмә, Әлмәт, Мөслим, Чистай, Чүпрәле, Буа, Арча һәм Чирмешән районнары башлыклары кергән.

2022 ел белән чагыштырганда республиканың Апас, Минзәлә һәм Чистай районнары башлыклары иң зур динамика күрсәтте.

Социаль челтәрләрдә эшне бәяләүнең мөһим параметрларының берсе-җитәкчеләрдән кире элемтә. Язылучылар белән аралашу өчен Әлмәт, Апас, Баулы, Бөгелмә, Буа, Биектау, Лениногорск, Менделеевск, Яңа Чишмә һәм Чистай районнары башлыклары ачык булды.