Әлмәттә сентябрь аенда популяр исемнәр Мөхәммәд, Ева, София булды

Сентябрь аенда Әлмәттә 188 бала туган. Шуларның 109 - малай, 79 кыз, шул исәптән бер пар игезәкләр. Бу хакта Әлмәт районы ЗАГСы хәбәр итә.

Иң кечкенә баланың авырлыгы 780 гр булган, иң зурысы – 5150 гр. Иң яшь ананың яше-19, иң өлкән әнигә 42 яшь. Бу айда иң яшь әтигә 22 яшь, иң өлкәненә 51 яшь. Сентябрьдә популяр исемнәр -  Ясминә, Амалия, Ева, София, Мөхәммәд, Адель, Панель.

 Әкрам, Исмәгыйль, Имран, Керам, Мәдинә, Алена, Алла, Нәзирә, Фидель, Сармат, Василина, Азаль, Тамина, Айдан исемнәрен әлмәтлеләр бу айда сирәк кушкан.