Әлмәттә узган ел белән чагыштырганда эшсезләр саны ике тапкырга кимегән

Әлмәт мәшгульлек үзәгендә теркәлгән эшсез гражданнар саны 2022 елның 1 апреленә 699 кеше тәшкил иткән. Узган елның шул ук чорында 1471 эшсез теркәлгән. «Россия эше» җирле кадрлар үзәге әнә шундый мәгълүматларны хәбәр итә.

Шулай итеп, 2022 елның 1 апреленә теркәлгән эшсезлек дәрәҗәсе эшче көчләр саныннан 0,64% тәшкил итте (01.04.2021 – 1,34%).

Эш бирүчеләр 2299 хезмәткәргә ихтыяҗ турында белдегән. Узган елның 1 апрелендә вакантлы урыннар 1958 булган.

«Хезмәт базарында киеренкелек коэффициенты 2022 елның 1 апреленә вакансиягә 0,31 кеше тәшкил итә (01.04.20021 – 0,75)», – дип хәбәр итә ведомство.

Агымдагы елның беренче өч аенда шәһәрнең мәшгульлек хезмәтенә 857 кеше мөрәҗәгать иткән, 182 кеше эшкә урнаштырылган.