Әлмәттән 15 яшьлек Диләрә "Теләкләр чыршысы" акциясе ярдәмендә Иннополиста булды

Диләрә 17 нче урта мәктәпнең 9 нчы сыйныфында укый, химияне бик ярата һәм киләчәктә  тормышын медицина биоинженериясе белән бәйләргә планлаштыра. Ул шулай ук вокал белән шөгыльләнә һәм төрле чараларда катнаша. Аның өчен Иннополис һәрвакыт зур хыял — Диләрә һәрвакыт җирле шәһәр кешеләренең, шул исәптән студентларның ничек яшәвен белергә тели. 

Кызны әти-әнисе һәм сеңлесе белән бергә Иннополиска чакырдылар һәм алар өчен экскурсия оештырдылар. Кунак технопаркны карады, робототехника чишелешләре белән танышты һәм студентлар тулай торагында булды.

"Миңа бу төзек һәм чиста шәһәр бик ошады, анда яшәүчеләр үз тынычлыклары белән таң калдыра һәм беркая да ашыкмый", — диде Диләрә Роман Шәйхетдинов белән очрашуда. 

Вице-премьер Диләрәгә уңышлар теләде һәм Иннополис Университетын югары уку йорты сыйфатында сайларга тәкъдим итте, дип хәбәр итә ТР Хөкүмәте матбугат хезмәте.

Чыганак

Фото: ТР Президенты матбугат хезмәте