Марат Кәбировның “Киллер” китабын Әлмәттә дә алырга була

Язучы Марат Кәбиров китабы турында мондый тасвирлама бирде: «Киллер» әсәрендә ике кешенең очрашуы тасвирлана. Берсе — кешеләрне үлемнән алып калып, коткара торган табиб, икенчесе кешене үтерүче — киллер. Икесенең дә үткән тормышы, сере бар. Шушы серләр әсәр дәвамында чишелә һәм язмышлары кульминацион ноктага килеп терәлә. Әсәр гади телдә язылды. Укучыны «җилтерәтеп» алып бара торган әсәр ул», — диде автор.