102 яшьлек әлмәтле РФ Конституциясенә үзгәрешләр кертү буенча тавыш бирде

Озын гомерле әлмәтле 100 яшенә кадәр сайлау участокларына үз аякларында барган. Соңгы ике елда җәяү йөрү авырлык белән бирелгәнгә күрә, ул өендә тавыш бирә. Сугыш, ачлык, ялангачлык, ятимлек ачысы күргән әби үз гомерендә ничәнче тапкыр сайлауларда катнашуын да хәтерләми.

- Әнидән беркайчан да начар сүзләр, тәнкыйть ишеткән юк. Тормыштан һәрчак канәгать булды. Гомер буе эшләде. Илдәге вазгыятьне белә, сәясәт, депутатлар турында да сорашып тора, - диде кызы Мияссәрә апа.

Йөзъяшәр әби дә кызының сүзләрен куәтли:
- Дөньялар матур, рәхәтен күреп яшәргә кирәк. Балаларымның имин, җитеш тормышта яшәүләрен телим, – дип теләде ул.