Әлмәт балалар бакчаларына 1500дән артык сабый кабул ителәчәк

Әлмәт балалар бакчаларына 1500дән артык сабый кабул ителәчәк
 
Әлмәттә быел балалар бакчаларына 1500дән артык сабыйны кабул итү планлаштырыла. Бу хакта район башлыгының матбугат хезмәте хәбәр итә.

Яңа уку елына язылу инде башланды һәм 31 августка кадәр дәвам итәчәк. Шәһәрдә һәм районда барлыгы 84 балалар бакчасы эшли, анда бер яшьтән алып дүрт яшькә кадәрге балалар өчен урыннар бар.
Ата-аналарга сайлау җиңелрәк булсын өчен мәгариф идарәсе сайтында һәр бакчада буш урыннар булган таблица бар. Сораулар калса, 8 (8553) 45-13-99 телефоны буенча шалтыратырга яки шәхси кабул итүгә килергә мөмкин.