Әлмәт мәктәпләрендә җәйге балалар сменасы уза

Әлмәт мәктәпләрендә җәйге балалар сменасы уза

Шәһәрнең мәгариф учреждениеләрендә лагерьлар эше дәвам итә. Смена 26 июньгә кадәр дәвам итәчәк.

28 мәктәптә 2 500 бала өчен мәктәп яны лагерьларында ял оештырылган. Тагын 900 бала хезмәт һәм ял лагерьларында вакыт үткәрә.

Һәр смена өчен индивидуаль календарь планнары төзелде, ә һәр көннең үз тематик юнәлеше бар.

Мәктәп укучылары өчен бай программа әзерләнгән: иртәнге зарядка, танып-белү дәресләре, конкурслар, экскурсияләр, спорт ярышлары, киносеанслар, шулай ук төрле һөнәр ияләре белән очрашулар.

Җәйге ял балаларга каникулларын актив, кызыклы һәм файдалы итеп үткәрергә ярдәм итә.