Әлмәттә студентлар мәгариф форумы узды

Ачык диалог форматында катнашучылар Татарстан Республикасы яшьләр эшләре буенча министр урынбасары Софья Галиева-Мостафина һәм Әлмәт муниципаль районы башлыгы Тимур Нагуманов белән аралаштылар.

«Без үзебездә шундый якты һәм талантлы яшьләрне кабул итүгә бик шат. Егетләр, сез киләчәгегезне Әлмәт белән бәйләрсез дип ышанам!»- диде Тимур Нагуманов.

ТР балалар һәм яшьләр эшләре министрлыгы ярдәме белән, быел Әлмәт яшьләр арасында кирәкле проектлар: фиджитал уеннары, Страйкфест 3.0 форумы һәм яшь гаиләләргә психологик ярдәм күрсәтү буенча «Бәхетле бергә» проектын үткәрүгә 3 млн сумнан артык гомуми суммага берничә грант отты. «Университетлар Лигасы» форумының икенче сменасына студентларның мөмкинлекләрен көчәйтү һәм студентларны үстерүнең яңа формаларын эзләү максаты белән югары белем бирү оешмаларының студент яшьләре җыелды. Форумны оештыручылар билгеләп үткәнчә, чара потенциалны ачу, идеяләр алмашу һәм көчле коммуникатив бергәлек булдыру өчен мөмкинлекләр бирә. 

Фото: Әлмәт районы башлыгы матбугат хезмәте