Әлмәт шәһәренең 5 нче гимназиясе Россиянең иң яхшы мәктәпләре рейтингына керде

Әлмәт шәһәренең 5 нче гимназиясе 2023 елда «Социаль һәм гуманитар юнәлешләр» өлкәсендә чыгарылыш укучыларының конкурентлыкка сәләтлелеге буенча Россиянең иң яхшы мәктәпләре рейтингына керде.

Гимназия икенче ел рәттән илнең барлык гомуми белем бирү уку йортлары арасында лаеклы урын алып тора. Узган ел ул 50 арасында 37 нче урында иде, быел инде 35 нче урында. Искәртеп узабыз, бу быел әлеге рейтингка кергән Татарстаннан бердәнбер уку йорты.

Гимназия коллективын һәм җитәкчене югары нәтиҗәләр белән котлыйбыз!