Әлмәт командасы яшь геологларның VII республика ачык кыр олимпиадасы призеры булды

Яшь геологларның VII республика ачык кыр олимпиадасы тәмамланды. Алты көн дәвамында катнашучылар палеонтология, гидрология, нефть геологиясе буенча сынаулар уздылар – барлыгы 11 геологик ярыш төрендә үзләрен күрсәттеләр.

31 команда, бөтен Татарстаннан 200 дән артык укучы катнашты. 

Олимпиада нәтиҗәләре буенча өченче урынны Әлмәтнең «Девон» командасы яулады. Икенче урында-Казаннан «Наутилус» командасы. Ә кубок Казандагы IT-лицейның «Ферсман» командасы кулына эләкте, алар икенче тапкыр рәттән чемпион булдылар.

Олимпиада укучыларга үзләрен күрсәтү генә түгел, яңа дуслар табу мөмкинлеге дә биргәндер. Ә җиңүчеләр үзләрен бөтенроссия дәрәҗәсендә дә күрсәтәчәкләр-Екатеринбургка III Бөтенроссия ачык кыр олимпиадасына барачаклар.