#Мәдәният. Сәнгать 25 март 2019, 10:08

Зәйнәб – Зөфәр: «Конфликт исчерпан!»

25 март 2019, 10:08

Элвин Грей һәм Гүзәл Уразованың «Конфликт исчерпан!» дигән сүзләре интернет мемга әйләнде. Татарстанның халык артисты Зәйнәб Фәрхетдинова бүген үзенең инстаграмдагы битендә тормыш иптәше Зөфәр Билалов белән янәшә төшкән фотосын элде. Фото астында болай диелгән: «Конфликт исчерпан!».

Скопировать ссылку

Ир белән хатын арасында нинди генә низаг булмас. Әмма бу юлы эш анда түгел. Аңлашыла инде, Зәйнәб апа моны шаярып элгән. Комментарийларга күз салсак, күпләргә бу троллинг бик ошаган. Раяз Фасихов, Нурзадә, Алинә Шәрипҗанова егылып көлгән смайликлар куйганнар.

Әмма һәрвакытта да шаяруны аңламаучылар табыла. Пост астындагы язуларда Зәйнәб Фәрхетдиновага теләктәшлек белдерүчеләр, аны юатучылар да бар. “Мин сизендем, сорарга кыен булды, без сезне гел бергә күреп өйрәнгәч. Ә сез соңгы вакытта үзегез генә булдыгыз”, - дип шатлана бер тамашачы “конфликт исчерпан” булганга.

Фото: Инстаграм

http://matbugat.ru