Әлмәт музеенда кич утыруны күрсәттеләр [+ФОТОЛАР]

Ул "Музейда музыка" проектының йомгаклау чарасы булды. Әлмәт музыка көллияте студентлары Иске Суркин авылыннан "Сеспель" чуваш халык фольклор-этнографик ансамбле белән берлектә "Раштуа алдыннан кич утырулар" дип аталган әдәби-музыкаль композиция тәкъдим итте. Тамашачылар Раштуа алды көннәреннән алып Крещениега хәтле була торган кич утырулар атмосферасына чумдылар. Святки дип аталган бу йола кысаларында кешеләр кунакка йөрешкән, бүләкләр бирешкән, бер-берсенә сәламәтлек һәм уңышлар теләгән. Чакырылган кунаклар – Әлмәт политехник техникумы студентлары чуваш халкының йолалары белән таныштылар, халык җырларын тыңладылар, уеннарда һәм күрәзәлек итүдә үзләре дә катнаштылар. Чара бик җанлы һәм җылы узды.