Гүзәл Яхинаның тагын бер романы буенча нәфис фильм төшерелә

Режиссер Алексей Учитель язучы Гүзәл Яхинаның "Балаларым" (Дети мои) романы буенча тулы метражлы нәфис фильм төшерә, дип хәбәр итә Казан мэриясе матбугат хезмәте.

Учительнең Rock Films студиясе белән килешү 2018 ел җәй төзелгән, ягъни роман чыкканнан соң ике айдан. "Мин экранизациягә шундук ризалаштым, чөнки Алексей Учительне "Край" һәм "Тамаша буларак Космос" фильмнары өчен бик яратам. Моннан тыш, режиссер немец темасы белән күп эшли, ул аның фильмнарында бар, аңарда немец актерлары уйный", - дип сөйләгән Яхина.

Язучы проектның әзерлек дәрәҗәсен белми, әмма съемкалар башлангач ул төшерү төркеме белән фикерләшү өчен очрашагын әйткән.

Яхина сүзләренчә, романны язганда аның күз алдына иң яхшы экранизация буларак мультфильм килгән. Тулы метражлы фильм режиссерлар һәм актерлар өчен яңалык булачак, бигрәк тә төп рольне башкаруга яңа тәэсирләр китерәчәк. "Аңа һәрвакыт диярлек сүзсез йөрергә туры киләчәк, чөнки төп героем күп еллар дәвамында телсез", - дип билгеләп үткән язучы. 

Хәзер Яхинаның "Зөләйха күзләрен ача" романы буенча мини-сериал төшерү дәвам итә. Картинаны шул исәптән Казанда да төшерәләр.

Фото: архив/Михаил Захаров

 https://tatar-inform.tatar