Фирдүс Тямаевка мәхәббәт аңлатканнар

Популяр артист Фирдүс Тямаев шушы көннәрдә Татарстан районнары буенча концертлар белән йөри. Концерт вакытында нинди генә кәмит хәлләр булмый да, нинди генә кызыклы тамашачылар килми! Фирдүсне бигрәк тә яраталар инде, берсе аңа багышлап шигырь яза, икенчеләре артистка ияреп тыпыртатып бии, хәтта мәхәббәт тә аңлатучылар бар. Бер концертында бәләкәй генә кызчык кумирына чәчәк бирергә чыккач: «Тямай, я тебя просто люблю», – дип артистны бөтенләй сүзсез калдыра!