#Мәдәният. Сәнгать 21 август 2019, 13:20

Фирдүс Тямаев һәм Элвин Грей катнашындагы фильмны әлмәтлеләр дә күрә алачак

21 август 2019, 13:20

Татарстанда «Татарстан киносы атналыгы» фильмнарының иҗат төркемнәре үз әсәрләрен Балык Бистәсе районында, Буада һәм Әлмәттә тәкъдим итәчәкләр. Моннан тыш, алар тамашачылар белән аралашачаклар.

Скопировать ссылку

Татарстанда «Татарстан киносы атналыгы» фильмнарының иҗат төркемнәре үз әсәрләрен Әлмәттә, Буада һәм Балык бистәсендә тәкъдим итәчәкләр һәм тамашачылар белән аралашачак. Бу хакта «Татаркино» оешмасы директоры Миләүшә Айтуганова хәбәр итте.

Иҗат төркемнәре Балык Бистәсенә «Инсаф» фильмы, Буага «Остазбикә» картинасы белән барачак. Әлмәттә 30 августта Әлмәт шәһәре пляжында «Әпипә» музыкаль кинокомедиясе күрсәтеләчәк, дип билгеләп үтте спикер.

Фильмда татар эстрадасы артистлары Фирдүс Тямаев, Элвин Грей, Алсу Әбелханова, Алинә Шәрипҗанова, Дилә Нигъмәтуллина, Ләйсән Мәхмүтова, Ләйсән Закирова, Гөлшат Имамиева, Алсу Сөнгатуллина, Фәридә Әхмәтшина катнаша.

Фото: kazan-mfmk.com