Әлмәттә махсус хәрби операциядә катнашучылар балалары өчен бәйрәм концерты узды

Әлмәттә махсус хәрби операциядә  катнашучылар балалары өчен бәйрәм концерты узды

Әлмәтнең балалар-яшүсмерләр иҗаты үзәгендә махсус хәрби операциядә катнашучыларның балалары өчен җылы һәм чын-чынлап бәйрәм концерты узды.

Яшь тамашачыларны Әлмәт районы башлыгы Гүзәл Хәбетдинова сәламләде. Балалар «Кышкы могҗиза турында әкият» спектаклен карадылар, Кыш Бабай, Кар Кызы һәм әкият геройлары белән әйлән-бәйлән уйнадылар, көлделәр, кул чаптылар һәм бәйрәмгә шатландылар.

Чара ахырында һәр бала Татарстан Республикасы Рәисе Рөстәм Миңнехановтан татлы бүләк алды.