«Каракүз фильм» тамашачылар симпатиясенең II кинофестивале тәмамланды

"Каракүз фильм" тамашачылар симпатиясенең II кинофестивале тәмамланды

3 августта "Әлмәт" иҗтимагый үзәгенең киноконцертлар залында "Каракүз фильм" тамашачылар симпатиясенең II кинофестивален ябу тантанасы булды.

Кинофестиваль 2025 елның 28 июленнән 3 августына кадәр Әлмәттә узды һәм масштаблы «Каракүз» этно-модерн проектының бер өлеше булды. Кинофестиваль уздыру вакытында Әлмәттә Россия, Казахстан, БДБ илләреннән киноиндустрия вәкилләре җыелды. Фестиваль программасына барлыгы 40 тан артык фильм керде – бу Казахстан, Үзбәкстан, Таҗикстан, Грузия, Беларусь режиссерларының премьера һәм бүләкләнгән эшләре, шулай ук Россия төбәкләреннән: Татарстан, Башкортстан, Якутия, Марий Эл, Карачай-Чиркәс һәм башка фильмнар.

Кино күрсәтүләр иҗат итүчеләр белән очрашулар, мастер-класслар, интерактив вакыйгалар һәм иҗади лекцияләр белән үрелеп барды.

Төп бүләкләр җиде фестиваль көне дәвамында узган тамашачылар тавыш бирү нәтиҗәләре буенча бирелде.

«Каракүз фильм» фестиваленең гран-приен һәм тамашачылар симпатиясенең югары призын "Лето. Город. Любовь" эше алды. Режиссерлары: Айрат Абүшахманов, Айнур Әскәров, Руслан Римович, Айсыуак Юмагулов, Виталий Дудка, Руслан Юлтаев, Айдар Акманов.