5 июльдә «Бәхетле Әлмәт» яшьләр марафонына старт биреләчәк

Әлмәтлеләрне һәм шәһәр кунакларын 5 июльдә 18.00 сәгатьтә «Бәхетле Әлмәт» яшьләр марафонын ачуга чакыралар.

Чара дәвамында интерактив, күңел ачу локацияләре оештырылачак: мастер-класслар, фуд-корт, Game Point уены белән лаунж-зона эшләячәк. Моннан тыш, Wang sound автотавыш студиясеннән баслар һәм музыка булачак.

Шулай ук Әлмәт  яшьләре районның талантлы башкаручылары һәм «Вегас» кавер-төркеме чыгышын карый алачак.