Каен җиләге өлгерде

Каен җиләгенең сәламәтлеккә файдасы нидә?

Иң беренче чиратта, өлгергән каен җиләген яңадан-яңа килеш ашап, организмны файдалы матдәләр белән баетыгыз. Урманда үскән бу куак җимеше күп кенә авырулардан сакларга ярдәм итә:

Иммунитетны ныгыта: Салкын тию һәм вируслы авырулардан саклый.

Йөрәк-кан тамырлары системасы өчен файдалы: Кан басымы югары яки түбән булып "сикергәләп" торган кешеләргә аеруча тәкъдим ителә.

Бавырны чистарта.Чамасын белеп кулланганда, бавыр эшчәнлеген яхшырта.

Гомуми тонусны күтәрә: Хәлсезлек һәм склероз билгеләре булганда организмны яңарта.

 Каен җиләгеннән кышлыкка нәрсә әзерләргә? Топ-4 рецепт

Җиләкнең артыгын юкка чыгармас өчен, аннан тәмле һәм сәламәтле өчен файдалы ризыклар әзерләгез. Менә сезнең игътибарга каен җиләгеннән кайнатма һәм башка тәмлүшкәләр ясауның иң яхшы рецептлары.

 1. Классик каен җиләге кайнатмасы (Витаминнарны саклап калу ысулы)
Бу рецепт җиләкнең файдалы үзлекләрен мөмкин кадәр күбрәк сакларга ярдәм итә.

Кирәк булачак: 1 кг каен җиләге, 1,2 кг шикәр комы.

Әзерләү: Җиләк һәм шикәрне бутарга һәм суты бүленеп чыкканчы салкынча урында яки суыткычта 6-8 сәгать тотарга. Аннары ут өстенә куеп, бер кат кайнатып алырга. 

 2. Сиропта кайнатылган каен җиләге
Бу ысул белән әзерләнгән кайнатма бик тәмле һәм куе була.
Кирәк булачак:1 кг җиләк, 1,2 кг шикәр комы, 1 стакан су.
Әзерләү: Шикәр һәм судан сироп ясарга. Кайнап торган сиропка җиләкне салып, кайнатып чыгарырга. Савытны селкетеп алсагыз, күбек үзеннән-үзе юкка чыгар. Уттан алып, 6-8 сәгать төнәтергә. Аннары тагын бер кат кайнатып алырга һәм кабат уттан алырга. 6-8 сәгатьтән соң, кайнатма әзер булганчы утта тотарга.

 3. Шикәрләнми торган каен җиләге кайнатмасы
Кирәк булачак: 1 кг чиста җиләк, 500 г шикәр комы (беренче этап өчен), 700 г шикәр комы (сироп өчен), аз гына лимон кислотасы.
Әзерләү: Җиләккә 500 г шикәр салып, суты чыкканчы салкын урынга куярга. Суты аерылгач, аны аерым савытка агызып, 700 г шикәр белән сироп әзерләргә. Шул сироп өстенә җиләкне салып, озынча агач кашык белән болгата-болгата кайнатырга (җиләкләр изелеп бетәрлек булмасын). Әзер булыр алдыннан пычак очы белән аз гына лимон кислотасы салсагыз, кайнатма кышын шикәрләнмәс.

4. Балалар өчен сөтле каен җиләге коктейле
Бу эчемлекне хәтта иң талымсыз балалар да яратып эчәчәк.
Кирәк булачак (250 мл өчен):100 г каен җиләге, 100 мл сөт, 2 аш кашыгы шикәр комы, 2 г тоз.
Әзерләү: Җиләкләрне җылы суда яхшылап юарга һәм әйбәтләп изәргә. Сөт, шикәр комы һәм азрак тоз өстәп, бер төрле массага әверелгәнче миксер белән күпертергә кирәк. Әзер эчемлекне кулланганчы суыту зарур.

5. Тиз әзерләнә торган каен җиләге джемы
Вакытыгыз аз булса, бу рецепт сезнең өчен. Джем өчен бөтен җиләк тә, азрак изелгәннәре дә яраклы.
Кирәк булачак: 1 кг каен җиләге, 1 кг шикәр комы, 1 стакан су.
Әзерләү: Джемны болгата-болгата бары тик бер мәртәбә генә кайнатырга. Кайнар килеш алдан стерильләштерелгән банкаларга тутырырга һәм капкачларны ябарга.

 Каен җиләген юл буеннан яки сәнәгать предприятиеләре яныннан җыймагыз. Иң файдалы җиләк – урман түреннән, экологик яктан чиста урыннардан җыелганы. 

Каен җиләге өлгерде – табигатьнең бу бүләгеннән мәхрүм калмагыз! Үзегезнең иң яраткан рецептыгыз белән комментарийларда уртаклашырга онытмагыз.

Фото:нейрочелтәр