Татарстанда атна ахырына кадәр яңгырлы һава торышы булачак

Татарстанда һава торышы начарланачак: яңгырлар, җил һәм салкын. Мондый фаразны ТР Гидрометеорология үзәге бирә.

14 октябрьдә яңгыр явачак, көндез һава + 6-11 градуска кадәр җылы.

Чәршәмбе, 15 октябрь көнне, явым-төшем булырга мөмкин, төнлә термометр -1 градус, көндез + 7, + 12 градус булачак.

Пәнҗешәмбе, 16 октябрь көнне һава торышы тотрыксыз булачак: кыска вакытлы яңгыр явачак, урыны белән кар явуы мөмкин. Көндез температура + 4, + 9 градустан артмас.

Җомга һәм шимбә көннәрендә һава торышы үзгәрмәячәк: яңгыр, аз болытлы һәм һава + 6-11 градуска кадәр җылына.