Әлмәтле чит кешенең банк картасыннан файдаланган өчен хөкем ителде

Ир-ат «Электрон акча кулланып мошенниклык» маддәсе буенча җинаять кылуда гаепле дип табылган. Суд агымдагы елның 31 гыйнварында шәһәр урамнарының берсендә хөкем ителүченең пластик банк картасы табуын ачыклаган. Шул ук көнне ул берничә кибеттә әлеге карта белән әйберләр сатып ала. Нәтиҗәдә, карта хуҗасына 2725,01 сумлык матди зыян китерә.

Хөкем ителүче үз гаебен тулысынча таныган. Суд аны 5 ай төзәтү эшләре рәвешендә җәзага тарткан. Суд карары әле үз көченә кермәгән.