#Җинаять һәм җәза 22 июль 2020, 10:42

Татарстанда сигез пассажир автобусын кулга алганнар

22 июль 2020, 10:42

Татарстанда транспорт законнарын бозган өчен быел май аеннан сигез пассажир автобусын кулга алганнар, дип сөйләде Ространснадзор Урта Идел төбәкара автомобиль юллары күзәтчелеге идарәсе башлыгы урынбасары Радик Рамазанов.

Скопировать ссылку

Биш автобусны даими маршрутта пассажирларны үз белдеге белән йөрткән өчен кулга алганнар, ике автобусны лицензияләр реестрына кертелмәгән өчен кулга алганнар, тагын бер автобус пассажир ташучының гражданлык җаваплылыгын иминләштерү килешүе булмаган өчен кулга алганнар.

Рамазанов билгеләп үткәнчә, башта кулга алынган автобусларны саклау проблемасы булган, әмма соңрак бу мәсьәлә төбәк хөкүмәте дәрәҗәсендә күтәрелде. ГБУ «Безопасность дорожного движения» пилот проекты сыйфатында әлеге чараларны саклау вәкаләте бирелгән иде, дип хәбәр итә «Татар-информ».

Узган ел Татарстанда транспорт йөртүчеләрне 24 млн. сумга штрафка тартканнар.