Әлмәт кешесен кабат аек булмаган хәлдә руль артына утырган өчен хөкем иттеләр

Әлмәт кешесен кабат аек булмаган хәлдә руль артына утырган өчен хөкем иттеләр

Әлмәт шәһәр суды, моңа кадәр шундый ук хокук бозу өчен билгеләнгән җәзага карамастан, исерек хәлдә руль артына яңадан утырган әлмәтлегә хөкем карары чыгарды. 

Моңа кадәр ир-ат административ җаваплылыкка тартылган: аңа 45 мең сум штраф билгеләнгән һәм ел ярымга машина йөртү таныклыгыннан мәхрүм иткәннәр. Ләкин, срок беткәнен көтеп тормыйча, ул яңадан исерек хәлдә автомобиль белән идарә итә.

Хокук бозу узган елның декабрендә булган. Машина йөртүчене ЮХИДИ хезмәткәрләре туктаткан. Урында тикшерүдән ул баш тарткан, ләкин медицина тикшерүе узган, ул сулаган һавада 0,770 мг/л алкоголь күрсәткән.

Судта ир-ат гаебен тулысынча таныган. Аның гамәлләрен РФ Җинаять кодексының 264.1 маддәсе буенча квалификацияләделәр.

Суд 200 сәгать мәҗбүри эш рәвешендә җәза билгеләде, шулай ук транспорт чаралары белән идарә итү хокукыннан 2 ел һәм 6 айга мәхрүм итте.

Хөкем карары әлегә законлы көченә кермәгән һәм дәгъва белдерелергә мөмкин.