Әлмәттә бер тәүлектә 15 мошенниклык очрагы теркәлгән

Аларның җидесе финанс чараларыннан колак каккан, икенчеләре исә билгесез кешеләргә аларның аккаунтларына керә алсыннар өчен кодлар әйткән. Мисал өчен, бер әлмәтлене җинаятьчеләр барып җитмәсен өчен «куркынычсыз счетка» акча күчерергә күндергәннәр. Ә нәтиҗәдә ул 1,4 миллион сум югалткан.

Пенсионерка дәүләт хезмәтләре сайтыннан коднытаныш түгел кешеләргә әйткән, аннары аны миллион сумга якын акча күчерергә күндергәннәр. Икенче зыян күрүче ялган брокер ярдәмендә инвестицияләрдә акча эшләргә тырышып караган һәм 184 мең сумнан мәхрүм калган. Шәһәрнең икенче кешесе егерме яшендә шул ук кармакка эләккән һәм 756 мең сум югалткан. Тагын бер хатын кәрәзле телефон сатып алырга тырышып караган. Аңа «бүләк» тәкъдим итәләр, аның өчен ул яңадан акча күчерә, бу ни өчендер аңарда шик тудырмый. Нәтиҗәдә акчасыз да, бүләксез дә кала.

Хәзер барлык фактлар буенча җинаять эшләре кузгаттылар. Таныш булмаган кешеләргә ышанмагыз, якыннарыгыз белән киңәшләшергә онытмагыз.