Әлмәттә аек булмаган хәлдә руль артында йөрергә яратучы машинасыз калды

Ир-ат хокук сакчыларынамондый хәлдә  беренче тапкыр гына эләкми.

Әлмәттә исерек килеш руль артында йөргән өчен җирле кешене хөкем иттеләр. 61 яшьлек шәһәр кешесен тоткарлаганда автоинспекторлар элегрәк ир-атны мондый хокук бозу өчен җавапка тартылган булуын ачыклаганнар.

Суд әлмәтлегә  200 сәгать мәҗбүри эш рәвешендә җәза билгеләде. Моннан тыш, аны ике елга машина йөртү таныклыгыннан мәхрүм иткәннәр. Ә машинаны дәүләт кеременә конфискацияләгәннәр, дип хәбәр итә Татарстан прокуратурасы.