Аек булмаган әлмәтле бер иптәшен үтергәнче кыйнаган, икенчесен имгәткән

Әлмәттә Совет урамындагы йорт ишегалдында каты бәрелеш була. Нәтиҗәдә, бер ир-ат шунда ук үлә. Икенчесен җәрәхәтләр белән хастаханәгә алып китәләр.

Җинаятьтә шикләнелгән 40 яшьлек җирле кешене тоткарлыйлар. Әлегә тоткарланган кешенең исерек хәлдә булуы ачыкланган. Конфликт дошманлык фонында башлана. Ике ир-атны каты кыйнап, шикләнелгән кеше качып китә.

Тикшерү судка ир-атны сак астына алу рәвешендә сак чарасы сайлау турында үтенеч белән мөрәҗәгать итәчәк, дип хәбәр итә ТР буенча тикшерү идарәсе матбугат хезмәте.