Элеккеге тормыш иптәшен үтерергә янаган әлмәтленең хөкем карары билгеле булды

Әлмәтлене хөкем иттеләр. Ир-ат элеккеге тормыш иптәшен үтерергә янаган.

Җинаять эше материаллары буенча, исерек гаепләнүче зыян күрүче белән бер фатирда булган. Бәхәс вакытында ул аның ике кулы белән муеныннан тотып, кысып: "мин сине үтерәм!" дигән. Хатын куркып, элекке граждан ире янавын җитди кабул итә. Моннан тыш, ир-ат үзен агрессив тоткан һәм элеккеге сөеклесенә тән җәрәхәтләре китергән.

Судта ир-ат тәүбә иткән. Аңа бер елга сынау срогы белән шартлы рәвештә 10 ай билгеләнде, дип хәбәр итә шәһәр судының матбугат хезмәте.