Кибет баскычында таеп егылган әлмәтле кибетне судка биргән

Бу елның 10 февралендә дәгъвачы Әлмәт шәһәре кибетләренең берсенә керә, анда ул тайгак кафель плиткасында таеп егыла, егылудан соң башы авырта, кан китә. Шул ук көнне дәгъвачы хастаханәгә мөрәҗәгать итә, анда аны хирург карый.

Шуның нигезендә дәгъвачы кибет хуҗасыннан китерелгән мораль зыянны 100 000 сум күләмендә компенсацияләү суммасын, штраф түләтүне сорый.

Суд утырышында дәгъвачы үз таләпләрен хуплый.

Җавап бирүче дәгъваны танымый, канәгатьләндерүдән баш тартуны сорый.

Прокурор суд утырышында дәгъва гаризасы законлы һәм нигезле түгел, шуңа күрә канәгатьләндерелмичә калдырылырга тиеш дигән нәтиҗә ясады.

Тән җәрәхәтләре алу факты буенча дәгъвачы полициягә мөрәҗәгать итми.

Дәлилләр булмау сәбәпле суд дәгъва таләпләрен канәгатьләндермичә калдырырга карар итә.