Йортыбызны тәртипкә китерик

Сүз компания хезмәткәрләренең куркынычсызлыгын тәэмин итү турында гына бармый. Һәр шәһәр һәм бөтен нефть төбәге якланган булырга тиеш. Әлмәт урамнарында чисталык урнаштыру өчен «Татнефть»нең коммуналь техникасы чыкты.

Бөтен дөньяны колачлаган коронавирус пандемиясе күп кенә әйберләргә башкача карарга мәҗбүр итә. Шул исәптән шәхси гигиена кагыйдәләрен үтәү, әйләнә-тирәдәгеләрнең куркынычсызлыгына һәм тирә-юньдәге киңлекнең чисталыгына җаваплы караш. Безнең урамнар һәм ишегаллары чистарак булган саен, үлем вирусын тарату өчен мөмкинлекләр дә азая.

Шуңа күрә шәһәрдә чисталык һәм тәртип урнаштыру өчен муниципаль махсуслаштырылган предприятиеләргә «Татнефть»нең коммуналь техникасы ярдәмгә чыкты. Бу дүрт берәмлек транспорт — һәрберсе 6 кубометр резервуар күләме булган ике су сиптерү машинасы һәм ике себерү машинасы.

Шәһәр хезмәтләренә ярдәм итү практикасы инде биш елдан артык кулланыла, әмма, гадәттә, нефтьчеләр техникасы урамнарга апрель урталарында чыга. Быел ул, килеп туган хәлгә бәйле рәвештә, март ахырыннан эшкә кереште.

«Шәһәрне якшәмбе, 29 мартта җыештыра башладык, — дип аңлатты «Татнефть»нең транспорт бүлеге инженеры Марат Садыйков. - Шәһәрнең төп урамнарын җыештырабыз. Лениннан башладык, аннары Шевченкога, Совет һәм аларның кисешкән урыннарына күчтек".

Техника көн саен һәм тәүлек әйләнәсе эшли. Мондый режим октябрь азагына кадәр, дәвам итәчәк. Моннан тыш, көн саен тагын биш берәмлек аз габаритлы техника шарлавыклы буаларда һәм шәһәр паркында тротуарларны җыештыра.
Шул ук вакытта халык үзләре дә пандемия шартларында үз тормышын мөмкин кадәр куркынычсыз итү өчен бөтен көчен куярга тиеш.

«Татнефть» коронавирусны профилактикалау чарасы сыйфатында күпфатирлы йортларда яшәүчеләргә санитар җыештыру һәм үз подъездларын антисептик эшкәртү үткәрергә тәкъдим итә. Әлбәттә, барлык тиешле чараларны үтәлергә һәм шәхси саклану чараларын кулланылырга тиеш.

Елена Федорова