Татарстанда коронавирус тагын 10 кешенең гомерен өзгән

Татарстанда тагын ун кеше яңа төрдәге Covid-19 коронавирус инфекциясе корбаны булган. Алар - 1933, 1934, 1937 (ике кеше), 1948, 1959, 1960, 1962 елларда туган хатын-кызлар һәм 1933, 1949 елларда туган ир-атлар.

«Үлемнең сәбәбе патологоанатомик экспертиза үткәрү нәтиҗәсендә ачыкланган. Вирус идентификацияләнгән», - диелә ТР Сәламәтлек саклау министрлыгы хәбәрендә.

Шул рәвешле, 2 ноябрьгә булган мәгълүматлар буенча, Татарстанда коронавирус инфекциясеннән вафат булган пациентлар саны 1007гә җитте.