Эксперт илдә Covid-19 пандемиясе тәмамлану вакытын фаразлады

Россиядә Covid-19 коронавирусы пандемиясе 2021 елның уртасында — аерым алганда, халыкны вакцинацияләү хисабына тәмамланачак.

РФ Сәламәтлек саклау министрлыгының Үзәк федераль округы буенча штаттан тыш баш пульмонологы Андрей Малявин шул хакта белдерде, дип хәбәр итә «Мәскәү 24» телеканалы. 

Шул ук вакытта Малявин аңлатканча, инфекция таралу массакүләм вакцинация һәм авырып иммунитет алган авырулар саны арту сәбәпле тукталачак.

Табиб шулай ук Covid-19дан турыдан-туры вируска каршы торучы препаратны булдыру өчен кирәкле вакытны бәяләде. «Бу ун ел. Бәлки, бик тырышсалар, биш ел», - дип искәртте ул.