Әлмәттә Covid-19 белән авыручылар санының кимүе күзәтелә

Бу хакта район башлыгы Тимур Нагуманов сөйләде, коронавирус белән хәл барыбер четерекле булып калуын да билгеләп үтте.

«Аз сан. Табиблар эшли, пациентлар тормышы өчен көрәшә. Шуны истә тотарга кирәк, коронавирус беркая да китмәде, димәк, куркынычсызлык чараларын дәвам итәргә кирәк”, - диде ул. Район башлыгы битлек режимын һәм социаль дистанцияне үтәмәү чирләүчеләр санының чираттагы үсешенә китерергә мөмкин, дип тә кисәтте.

“Европадагы кайбер илләр локдаунга: изоляция режимына, оешмаларны ябуга, комендант сәгатен кертүгә әйләнеп кайтырга мәҗбүр. Бездә, алар белән чагыштырганда кагыйдәләр гади һәм әлегә куркыныч булганда аларны үтәргә кирәк”, - дип ассызыклады Нагуманов.