Тимур Нагуманов МФЦда гражданнарны кабул итү режимын тикшерде

Татарстан Республикасы МФЦ дәүләт бюджет учреждениесенең Әлмәт филиалы җитәкчесе Илдар Мусин хәбәр иткәнчә, кабул итү алдан язылу буенча алып барыла, хезмәткәрләр белән бер үк вакытта офиста 20 кеше була, алар арасында 1,5 метр ара саклана.

⠀
Барысы да битлек һәм перчаткалар киеп йөри, һәр клиенттан соң өслекләр антисептик белән эшкәртелә.
⠀
Моннан тыш, билгеле бер вакыт аралыгыннан соң, һәр 2 сәгать саен хлор белән тулы санитар эшкәртү һәм бинаны җилләтү үткәрелә.
⠀
Кичә МФЦ йөздән артык кеше кабул итте. Ирина Хәйруллина офис хезмәткәрләренә эш урынында санитар нормаларны үтәү буенча аерым инструктаж үткәрде.

Исегезгә төшерәбез, документларны тапшырырга яки әзер документларны алырга, кабул итүгә алдан язылырга кирәк.
⠀
Моны ТР Дәүләт хезмәтләре порталында, шулай ук МФЦ колл-үзәгендә 8(843) 222-06-20 телефоны буенча эшләргә мөмкин.
⠀
МФЦга билгеләнгән вакытка кадәр 10 минут алдан һәм 10 минуттан да соңга калмыйча килергә һәм алдан язылу кодын күрсәтергә кирәк. Шул ук вакытта МФЦга хезмәт сорап нәкъ менә кабул итүгә алдан язылган кеше мөрәҗәгать итәргә тиеш.

⠀
Эпидемиологик хәл тотрыкланганчы МФЦларда электрон рәвештә алырга мөмкин булган хезмәтләр күрсәтелмәячәк.
⠀
Элегрәк үз-үзеңне изоляцияләү чорында өйдән чыгу өчен максатлар исемлеген киңәйтү турында игълан ителгән иде. Шулай итеп, гамәлдәге тугыз сәбәпкә яңа, унынчысы – МФЦ бүлекләренә бару өстәлде.