Ванна бүлмәсендә тәмәке тарткан әлмәтле янгында чак кына үлми калган

Әлмәттә төнлә торак йортның өченче катында 1 кв.метр мәйданда ванна бүлмәсендә ишегенә ут каба, дип хәбәр итә РФ гадәттән тыш хәлләр министрлыгының ТР буенча баш идарәсендә. Янгын сүндерүчеләр фатирга үтеп керә һәм караватта 51 яшьлек ир-атны таба. Аңа битлек кидергәннәр һәм төтен зонасыннан чыгарганнар.

Янгынның беренчел сәбәбе-исерек хәлдә тәмәке тартуда саксызлык. Ир-ат эчкәнен һәм ванна бүлмәсендә тәмәке тартканын аңлатты, бүтән бернәрсә дә хәтерләми. Янгын сүндерүчеләр аны уяткач, аңына килә.

Фото: РФ гадәттән тыш хәлләр министрлыгының ТР буенча баш идарәсе