Әлмәтле эш урынында һәлак булган

19 яшьлек эшче 10 кат биеклектән егылып төшеп һәлак була.

Башлангыч мәгълүматларга караганда, фаҗиганең сәбәбе-куркынычсызлык техникасын бозу.

Бу урынга Әлмәт прокурорының беренче урынбасары Марсель Гыймаев чыкты.
"Хезмәтне саклау турындагы закон таләпләрен үтәүне тикшерү оештырылган. Бу хәлнең шартлары ачыклана", - дип хәбәр итте ТР прокурорының өлкән ярдәмчесе Руслан Галиев.

Төзелештә куркынычсызлык кагыйдәләрен бозу турында җинаять эше кузгатылды.

Тикшерү күзәтчелек ведомствосында контрольгә алынды, дип өстәде Руслан Галиев.