Әлмәтлеләрне шәһәр сусаклагычына су такталарында өмәгә чакыралар

10 июньдә Әлмәттә гадәти булмаган экологик акция узачак - су  такталарында сулыкта йөреп, яр буйларын чистарту.

Чара 10:00 сәгатьтә «Татарстанда Җәй»республика проекты кысаларында шәһәр сусаклагычында (4нче павильон) башлана.

Катнашучыларга актив ялны файдалы эш белән берләштерергә тәкъдим итәләр: су тактасында йөреп кайтырга, табигатьтән ләззәт алырга һәм акваторияне һәм ярларны чүп-чардан чистартырга булышырга.

Катнашу бушлай. Оештыручылар су такталары, перчаткалар һәм чүп җыю өчен капчыклар бирәчәкләр.

Урыннар саны чикләнгән, шуңа күрә катнашу өчен алдан теркәлү узарга кирәк.